काठमाडौं । मर्मतसम्भारका लागि दैनिक १४ घण्टा मात्र चालु रहेको त्रिभुवन अन्तर्राष्ट्रिय विमानस्थल सोमबारदेखि दैनिक २१ घण्टा खुल्ने भएको छ । गत चैत १८ गतेदेखि विमानस्थलको रनवे पिच परिवर्तनका लागि राति १० बजेदेखि बिहान ८ बजेसम्म बन्द रहने गरेको थियो । रनवे र ट्याक्सी वे मर्मतको जिम्मा पाएको चिनियाँ कम्पनीले रनवेको काम सक्नै लागेको जनाइएको छ । रनवेको बाँकी काम राति तीन घण्टा हुनेछ । ट्याक्सी वे को काम भने केही बाँकी छ । ट्याक्सी वे को काम अब सेप्टेम्बरदेखि मात्रै सुरु हुनेछ ।
