मुम्बई । बलिउडकी चर्चित नायका कट्रिना कैफले अर्की नायिका आलिया भट्टको तारिफ गरेकी छन् । चलचित्र ‘गली ब्वाय’बाट थप चर्चामा रहेकी आलियाको कट्रिनाले कामको प्रशंसा गरेकी हुन् । अभिनेता रणवीर सिंह र अभिनेत्री आलिया भट्टको मुख्य भूमिका रहेको ‘गली ब्वाय’ हेरिसकेपछि कट्रिनाले आफ्नो इन्स्टाग्राममा तारिफका शब्द लेखेकी छन् । चलचित्र निर्देशक जोया अख्तरको पनि कट्रिनाले प्रशंसा गरेकी छिन् । उनको पोष्टलाई आलिया भट्टले उनको सामाजिक सञ्जाल अकाउन्टमार्फत शेयर गरेकी छन् । सार्वजनिक खबरहरूका अनुसार केही समयअघि रणवीर कपुरको कारण आलिया भट्ट र कट्रिना केफबीचको सम्बन्ध बिग्रिएको बताइएको थियो । कट्रिनाका पूर्वप्रेमी रणवीर कपुरलाई आलियाले डेट गर्न सुरु गरेपछि कट्रिना आलियासँग टाढिएको बताइएको थियो । तर अहिले कट्रिनाले सामाजिक सञ्जालमा आलियाको प्रशंसा गरेको पोष्ट हेर्दा यी दुवैै अभिनेत्रीबीचको सम्बन्ध सप्रिएको कुरा प्रष्ट हुन्छ । आलिया र कट्रिना पहिलेदेखिनै मिल्ने साथी थिए । केही समयअघि यी दुईको सम्बन्ध बिग्रिएको खबर बाहिरिए पनि हाल भने उनीहरू एकअर्काको तारिफ गरिरहेका छन् ।
