मुम्बई । बलिउड अभिनेत्री आलिया भट्ट अहिले एउटै प्रश्नले हैरान् छिन्, त्यो हो बिहे कहिले गर्नुहुन्छ ? उनलाई मिडियाकर्मि तथा उनका शुभचिन्तकहरूले पनि बारबार गर्ने प्रश्न हो यो । अहिले प्रदर्शनरत ‘गल्ली बोई’बाट चर्चामा रहेकी आलिया रणवीर कपुरसँग प्रेम सम्बन्धमा रहेको खबर बाहिरिएको छ । उनीहरू पछिल्लो समय विभिन्न कार्यक्रममा एकसाथ देखिन थालेका छन् । उनी दुवैले भने आफ्नो सम्बन्धलाई मिडियामा लुकाउन खोजेका भारतीय सञ्चारमाध्यमले लेखका छन् । हालै बलिउड हंगामालाई आलियाले विवाहको प्रश्नबाट आफू दिक्क भएको बताइन् । उनले विवाहका लागि आफू अझै तयार नभएको बताउँदै रणवीरसँगको सम्बन्धमा खुशी रहेको बताएकी थिइन् ।
