काठमाडौं । आज प्रणय दिवसको अवसर पारेर अभिनेत्री वर्षा राउत र अभिनेता संजोग कोइरालाले सातवर्ष लामो प्रेम सम्बन्धलाई विवाहमा परिणत गर्दैछन् । गत सोमबार औंठी साटेका उनीहरूले दुई परिवार र केही चलचित्रकर्मीबीच विवाह गर्नेछन् । दुवैजनाको नाम जोडेर आफूहरूको संयुक्त नाम ‘सन्सा’ राखेको बताएका छन् । इन्गेजमेन्ट गरेका तस्वीर सार्वजनिक भएसँगै उनीहरूले चलचित्रकर्मी तथा दर्शकले शुभकामना दिइरहेका छन् । ‘हरेक सुन्दर कहानीमा हाम्रो कहानी उत्कृष्ट छ ।’ फेसबुकमा यस्तो स्टाटस राख्दै तस्वीर अपलोड गरेका थिए । यो जोडीले चलचित्र ‘एउटा यस्तो प्रेम कहानी’, ‘कथा काठमाण्डू’मा सँगै काम गरेका छन् ।
