काठमाडौँ । काठमाडौंमा कोरोनाविरुद्ध थप निर्णय लिन संकट व्यवस्थापन केन्द्रको बैठक आज विहान १० बजे बस्दै छ । काठमाडौंसहित मुलुकभर कोरोना भाइरसको संक्रमित तीव्र रुपमा बढेसँगै लकडाउन गर्ने या नगर्ने भन्नेबारेमा सरकार अन्योलमा छ । आजको बैठकले कोरोना संक्रमणको अवस्थाका बारेमा विश्लेषण गर्ने र सोही बिश्लेषणका आधारमा सरकारले लकडाउन गर्ने या नगर्ने, एरिया सिल, मापदण्ड पालना, क्षेत्रगत नियमन गर्न, भागेका संक्रमितको पहिचान र खोजीलगायत काममा स्थानीय प्रहरी र स्थानीय वडासँग समन्वय गरेर काम गर्ने विषयमा छलफल गर्नेछ । व्यवस्थापन केन्द्रको बैठक सकिए लगत्तै गैरसरकारी संस्था र उद्योगी–व्यवसायी संघ संस्थाका प्रतिनिधिलाई पनि छलफलमा बोलाइएको बताइएको छ ।
