काठमाडौं । काठमाडौं महानगरपालिकाले सामजिक सुरक्षा भत्ताका लागि महानगरमा नयाँ नाम दर्ता र नवीकरण सुरु गरेको छ । ज्येष्ठ नागरिक, एकल महिला, पूर्णअपांगता भएका व्यक्ति, अतिअशक्त अपांग, दलित लगायतको नाम दर्ता तथा नवीकरण सुरु भएको हो । काठमाडौं महानगरपालिकाको सामाजिक विकास विभागले बुधबार सार्वजनिक सूचना प्रकाशन गरी आउँदो पुस मसान्तसम्म नाम दर्ता र नवीकरण गर्न आहृवान गरेको छ । निवेदकले आप्mनो स्थायी ठेगाना रहेको वडा कार्यालयमा तोकिएको ढाँचामा दरखास्त दिनुपर्नेछ । महानगरका अनुसार हाल सामाजिक सुरक्षा भत्ता पाइरहेका लाभग्राहीहरूले निरन्तर भत्ता प्राप्त गर्न र नयाँले तोकिएकोे चालु आर्थिक वर्षदेखि भत्ता प्राप्त गर्न आगामी पुस मसान्तभित्र नाम दर्ता गराई सक्नुपर्नेछ । महानगरका अनुसार सामाजिक सुरक्षा भत्ता प्राप्त गर्न ज्येष्ठ नागरिकको हकमा महिला÷पुरुष दुवै ७० वर्ष उमेर पूरा गर्नुपर्छ । दलित ज्येष्ठ नागरिक र एकल महिलाले ६० वर्ष उमेर पूरा भएको हुनुपर्छ । विधवाको हकमा उमेरको सीमा छैन
