काठमाडौं:= पोखराको पार-६८ हिमालयन गल्फ कोर्समा शुक्रबार भएको सूर्य नेपाल वेस्टर्न ओपन प्रो–एमको उपाधि प्रो बलभद्र राईको टोलीले जितेको छ । प्रो बलभद्रले एमेच्योर फुर्साङ लामा, राजु थकाली र कवि थापासँग मिलेर १४८ अंक जोडेर उपाधि जित्नुभएको थियो ।
प्रो बलबहादुरले ३६, राजु र कविले ३७ अंक जोड्नुभएको थियो । प्रो भुवन नगरकोटी (३५), एमेच्योर बद्री राई (३६), किशोर बस्नेत (३४) र कर्नल झलेन्द्र भट्टराई (३४) १३९ अंकका साथ दोस्रो स्थानमा रहनुभयो । जबकि समर्थक सञ्जय लामा (३३), एमेच्योर सुष्मा सिग्देल (३३), अर्सिया बानु (३३) र ब्रिगेडियर सुरेश बानियाँ १३१ अंक जोडेर तेस्रो हुनुभएको बताइएको छ ।
मेजर डम्बर घलेले पिनको नजिक र रुपेन्द्र गुरुङले सबैभन्दा लामो ड्राइभ प्राप्त गर्नुभयो भने दुर्गाकुमारी शाहले होल इन वान अन होल १३ का लागि विशेष पुरस्कार प्राप्त गर्नुभयो । स्टेबलफोर्ड फुल हृयान्डिक्याप ढाँचामा खेलिएको प्रो–एम इभेन्टमा १० पेशेवरसहित ८० खेलाडीले भाग लिएका थिए ।
आयोजकका अनुसार शीर्ष प्रो स्कोरर विजेता टोलीका लागि शीर्ष तीन एमेच्योरसँग स्वचालितरूपमा टोली बनाइएको थियो भने चौथो, पाँचौं र छैटौं एमेच्योर स्कोररलाई उपविजेता टोलीका लागि दोस्रो उत्कृष्ट व्यावसायिक स्कोरर र सातौं, आठौं र नवौं हुने एमेच्योरलाई सेकेन्ड रनरअप टोलीलाई तेस्रो उत्कृष्ट व्यावसायिक स्कोरर प्रदान गरिएको थियो ।
सो अवसरमा नेपाल गल्फ संघका अध्यक्ष टासी घलेले कास्की जिल्लाको युवा विकास समितिलाई एक लाख रुपैयाँ नगद र एक हजार गल्फ बल हस्तान्तरण गर्नुभयो ।
