लहानमा प्रहरीले नै बन्द पसलबाट रक्सी,दारु चोरेपछि।

सिरहा := इलाका प्रहरी कार्यालय लहानमा कार्यरत तीन प्रहरीले बन्द पसलबाट रक्सी चोरेपछि निलम्बनमा परेका छन् ।प्रहरी सहायक निरीक्षक (असई) नवलकिशोर ठाकुर, प्रहरी जवानद्वय अन्नुकुमार राय र नरेशकुमार रायले जेठ ९ गते आइतबार राति १० बजे लहान नगरपालिका २३ गढिया चोकमा खटिएका बेला बन्द रहेको रक्सी पसलबाट रक्सी चोरेका थिए।

जिल्ला प्रहरी कार्यालय सिरहाका प्रवक्ता प्रहरी नायब उपरीक्षक शालिग्राम शर्माका अनुसार प्रहरीका आचरण विपरीत कार्य गरेको पाइएकाले प्रहरी नियमावली २०७१ बमोजिम तीनैजनालाई निलम्बन गरी थप अनुसन्धान भइरहेको प्रहरी नायब उपरीक्षक शर्माले बताए।