जनकपुर । जनकपुरमा शनिबार सामाजिक सञ्जालमा राखिएको तस्वीरका कारण भएको झडप नियन्त्रणमा लिन प्रहरीले अश्रु ग्यास प्रयोग गरेको छ । फेसबुकमा मोर्हमको दाहाकाको तस्वीर राखिएपछि हिन्दू र मुस्लिम समूदायबीच झडप भएको हो । स्थिति नियन्त्रणमा लिन प्रहरीले अश्रुग्यास प्रहार गर्नुपरेको धनुषाका प्रमुख जिल्ला अधिकारी प्रेमप्रसाद भट्टराईले बताउनुभयो । जनकपुरधाम–२० रुपैठामा शनिबार भएको झडपमा झण्डै एक दर्जन व्यक्तिलाई घाइते भएका छन् । प्रहरीका अनुसार झडप रोक्न सात राउण्ड अश्रु ग्यास प्रहार गरिएको थियो । प्रहरी परिचालनपछि स्थिति सामान्य बनेको प्रमुख जिल्ला अधिकारी भट्टराईले जानकारी दिनुभयो ।
