काठमाडौं । काठमाडौं उपत्यकाका जिल्ला प्रशासन कार्यालयहरुले बुधबार राति १२ बजेदेखि निषेधाज्ञा गरेपछि बिहीबार यहाँका सडक सुनसान देखिएका छन् ।
जिल्ला प्रशासन कार्यालयले अत्यावश्यक सेवाका बाहेक सम्पूर्ण सवारी साधन तथा सर्वसाधारणलाई हिड्डुलमा समेत रोक लगाएको छ ।
कोरोना भाइरसको महामारी बढ्दै गएपछि काठमाडौं उपत्यकाका तीनवटै जिल्लामा निषेधाज्ञा लागु गरिएको छ ।
निषेधाज्ञाका कारण बिहीबार बिहानैदेखि काठमाडौं, ललितपुर र भक्तपुरको जनजीवन ठप्प प्रायः छ ।
अत्यावश्यक सेवाबाहेक सवारी साधन चलेका छैनन् ।
