सर्लाही । सर्लाहीमा करेन्ट लागेर एक जनाको मृत्यु भएको छ । मृत्युहुनेमा ईश्वरपुर नगरपालिका वडा नं ३ बानटोल बस्ने ४२ वर्षीय जदु सहनी रहनुभएको छ । बुधबार राति घरमा बिजुलीको प्लग जोड्ने क्रममा उहाँलाई करेन्ट लागेकोे प्रहरी नायब उपरीक्षक मदन कुँवरले जानकारी दिनुभयो । करेन्ट लागेर गम्भीर घाइतेहुनुभएका उहाँलाई उपचारका लागि बयलवासतर्फ लगिँदै गर्दा बाटोमै मृत्यु भएको प्रहरलिे जनाएको छ । यसैबीच सर्लाहीको वागमती नगरपालिकामा डुबेर एक व्यक्तिको मृत्यु भएको छ । वागमती नगरपालिका वडा नं १ सैलुङडाँडा बस्ने ४५ वर्षीय कलमान लोप्चनको पँधेरीखोल्सीमा डुबेर निधन भएको प्रहरीले जनाएको छ ।
