गुगलले‘चुतिया न्युज एंकर’को ट्याग नेपालमाथी जथाभावी बोल्ने अर्नब गोस्वामीलाई दियो।

काठमाडौं := विश्वकै सबैभन्दा ठूलो सर्च इन्जिन गुगलमा धेरै मानिसहरुले विश्वास गर्छन् । धेरैले यसैको भरमा कैयौं काम गरेका छन् । गुगलले सबैभन्दा विश्वसनीय समाचार देखाओस् भनेर यसका लागि हजारौं कर्मचारीले काम गरिरहेका छन् । गुगलको डाटाबेस लगातार अपडेट भइरहन्छ ताकि यसले दिने नतिजा सटिक होस् तर, यति मात्रै पर्याप्त छैन ।

सामाजिक संजाल रेडिटका एक प्रयोगकर्ताले एउटा रमाइलो कुरा ख्याल गरेका छन् । यदि तपाइँले गुगलमा ‘चुतिया न्यूज एंकर’ लेखेर सर्च गर्नुभयो भने अर्नब गोस्वामीको नाम आउँछ।अर्नब गोस्वामीलाई केही दिन पहिलेसम्म धेरै नेपालीले चिन्दैनथे तर आजको मितिमा अधिकांश नेपालीले उनलाई चिन्छन् ।

नेपाली कांग्रेसका नेता मिनेन्द्र रिजालसँग उनले सीमा विवादका विषयमा गरेका हेपाहा प्रवृत्तिका प्रश्न र रिजालले उनलाई दिएको कडा जवाफको भिडियो भाइरल भएपछि उनलाई नचिन्ने नेपाली कमै छन् र चिन्ने नेपालीले पनि उनलाई रुचाउँदैनन् । सम्भवतः नेपालीले अहिले समाजिक संजालमा पनि उनलाई यस्तै यस्तै शब्दले गाली गरिरहेको देख्न सकिन्छ।

यद्यपि गुगलले यस्तो नतिजा देखाउनुमा नेपाली नेतासँगको अन्तरवार्ता नभइ उनका पुराना अन्तरवार्ता र बयानबाजी पनि जिम्मेवार छन् । उनले केही समयअगाडि आफूलाई भारतीय कांग्रेसका गुण्डाहरुले आक्रमण गरेको विवादित बयान दिएका थिए । साथै नेताहरुसंगको अन्तरवार्ताको क्रममा विभिन्न प्रोपोगन्डा मच्चाउने गरेको र अन्तरवार्तामा बोलाएको अतिथिलाई बोल्नै नदिई जथाभावी आरोप,प्रत्यारोप लगाउने गरेको पाइएको छ।