अब पक्राउ पर्ने पालो उप-प्रधान,स्वास्थ्यमन्त्री उपेन्द्र यादवको त हैन ?

काठमाडौं:= धमाधम बिशिस्ट पदमा रहेका पावरफुल व्यक्तिहरु पक्राउ पर्न थालेपछि अन्य पार्टीका नेता,मन्त्रीहरुसमेत त्रसित भएका छन्। प्रहरीले विगतका राजनीतिक आवरणमा छोपिएका अपराध खोतल्ने डरले उनीहरु यतिबेला डराएका छन्। गृहमन्त्रीका भाइदेखि सभामुख कृष्णबहादुर महरासम्म प्रहरी फन्दामा परिसकेका छन्। यसले अपराधमा संलग्न अन्य नेताहरुलाई पनि त्रसित बनाएको छ्न। विगतमा चलखेल र पावरको आडमा दबाबका भरमा लुकाइएका धेरै घटनाहरुको फाइल पल्टाउने अहिले प्रहरीको तयारी रहेको छ । रौतहटको १२ वर्षअघिको घटनामा कांग्रेस सांसद मोहम्मद अफ्ताव आलम पक्राउ परेपछि रौतहटकै अन्य पुराना घटनाको अनुसन्धानको दबाब प्रहरीमाथि परेको छ। यसरी पुराना घटनाको अनुसन्धान भएमा सरकारका उपप्रधानमन्त्रीकै पद समेत खुस्कने निश्चित छ।

हाल सरकारमा स्वास्थ्य मन्त्रालयको जिम्मेवारी सम्हालेका उपप्रधानमन्त्री उपेन्द्र यादवविरुद्ध परेको जाहेरी जिल्ला अदालत रौटहटमै १३ वर्षदेखि विचाराधीन रहेको समाचार दृष्टि साप्ताहिकले प्रकाशन गरेको छ। ७ चैत्र २०६३ मा गौर नरसंहार भएको थियो। जसमा २७ जना माओावदी कार्यकर्ताको विभत्स हत्या भएको थियो। माओवादी कार्यकर्ताहरुलाइ लखेटी लखेटी विभत्स ढंगले हत्या भएको थियो। त्यो घटनामा तत्कालीन मधेशी जनाधिकार फोरमका नेता यादव विरुद्ध मृतकका परिवारले उजुरी दिएका थिए। तर अहिलेसम्म त्यो घटनाको अनुसन्धान प्रहरीले गरेको छैन। आलमलाई पक्राउ गरेपछि यादवलाई पनि पक्राउ गरी कारबाही गर्न गौर हत्या काण्डका पीडितहरु प्रहरीमा जान थालेको स्रोतले बताए ।