थारु महिला सभा जिल्ला कार्य समित सुनसरीद्धारा शुभकामना आदान प्रदान ।

सुनिल चौधरी,,झुम्का:= महिला शसक्तिकरणबाट संस्कार, संस्कृति लगायत नेतृत्वमा बृद्धि र एकतामा प्रवलको उधेश्य सहित थारु महिला सभा जिल्ला कार्यसमिति सुनसरीले सोमवार शुभकामना आदान प्रदान कार्यक्रम सम्पन्न गरेको छ । जिल्ला अध्यक्ष शुसिला लेखिको सभापतित्व प्रदेश सांसद नवोदिता चौधरीको प्रमुख आतिथ्यतामा झुम्का स्थित थारु कल्याणकारिणी सभा जिल्लाको भवनमा सम्पन्न भएको हो । २०७६ सालको बिजया दशमी, शुभदिपावलि, छठ पर्वको अवसरमा शुभकामना आदान प्रदान गरिएको हो । कार्यक्रममा बक्ताहरुले शुभकामना आदान प्रदान गर्दै थारु एकता हुनु पर्नेमा जोड दिनु भएको छ । सांसद नवोदिता चौधरीले थारुको सबै भन्दा ठुलो समस्या एकतामा कमिकमजोरी रहेको बताउनु भयो । थारुमा एकताकै अभावले राज्यबाट आफनो अधिकार प्राप्ति गर्नमा चुक्दै गएको धारणा ब्यक्त गर्नु भयो । एकता हुन नदिन अन्य जाति तथा गैर थारुले भुमिका खेल्दै गरेकोमा सोहि अनुसारलेनै थारु समुदायमा फुटको संघार आएकोमा दुख ब्यक्त गर्नु भयो । यसबाट थारु अगुवाहरु सचेतन हुनु पर्ने सुझाव ब्यक्त गर्नु भयो । थारु पर्वमा गरिने कार्यक्रमहरुमा राजनितिककरण र गैर थारुलाई प्रमुख बक्ताको रुपमा ल्याएर प्रवद्र्धन गर्न नहुने बताउनु भयो । थारु पर्वको नाममा थारु संगठनले पार्टिकरणगरी एकै पार्टिको धार अनुसार कार्यक्रम गर्नु एकता हुन नदिने चलखेल गरेको दाबि गर्नु भयो । त्यसकारण अहिलेको अवस्थामा थारु कार्यक्रमहरुमा थारुकै बच्चा प्रमुख बक्ताको रुपमा हुनु पर्ने बिचार ब्यक्त गर्नु भएको हो । थारु कल्याणकारिणी सभाले झुम्कामा कार्यक्रमगरी स्थानियहरुलाई प्राथमिक्ता नदिएको प्रति सो कार्यक्रमलाई पार्टिकरणको संज्ञा दिदै थारु थारुमै भिडाउन खोजेको ठोकुवा गर्दै पर्वको अवसरमा शुभकामना ब्यक्त गर्नु भयो ।

यसैगरी शुभकामना आदान प्रदान कार्यक्रममा थारु कानुन ब्यवसायि सभा केन्द्रिय अध्यक्ष राजराज चौधरीले अधिकारकालागी थारु समुदाय आन्दोलनमै रहेकोले सामुहिक रुपमा योजनाबद्ध रुपमा अगाडी बढ्नु पर्नेमा जोड दिनु भयो । संबिधान संशोधनबाट उत्पिडन समुदायलाई अधिकार सम्पन्न बनाउनु पर्नेमा आदिवासि जनजाति महाँ संघ जिल्ला उपाध्यक्ष तेजनारयण चौधरीले बताउनु भयो । थारु महिलाहरु उच्च मनोबलले शसक्तिकरणमा अगाडी बढ्नु पर्ने सुझाव थारु अग्रज संकरलाल चौधरीले सुझाव ब्यक्त गर्दै शुभकामना आदान प्रदान गर्नु भयो । थारु समुदायमा फुटको समस्या देखिएकोले सामाधान तर्फ लाग्दै शुभकामना ब्यक्त गर्नु भयो । थाकसका पुरुषवादिहरुले थारु महिला सभा अगाडी बढेको हेर्न नचाहेको थारु महिला सभाकी अध्यक्ष तिला चौधरीले धारणा राख्नु भयो । यसैगरी एक आर्कामा नेतृत्व स्विकार गर्न नचाहने गलत मानसिक्ताका कारण थारु समुदायमा मतभेद भईरहेको बक्ताहरुले प्रष्ट्याउनु भएको हो । कार्यक्रममा थाकस केन्द्रिय सदस्य उर्मिला चौधरी, पुर्व पार्षद केशिलाल चौधरी, थारु महिला उत्थान समाज सुनसरी अध्यक्ष सिथा थरुनी, मनोज चौधरी, राजकुमार चौधरी, रामरोहन चौधरीले शुभकामना मन्तब्य राख्नु भयो । उपस्थित अतिथीहरुमा महिला सभा नगर अध्यक्ष सिता चौधरीले स्वागत गरेकी थिईन् भने ममता चौधरीले कार्यक्रम सञ्चालन गरेकी थिईन् ।