काठमाडौं । पुर्व उपसचिव विष्णुप्रसाद शर्माको घरमा गोली प्रहार भएको छ ।
काठमाडौं कलंकीस्थित शर्माको घरमा सोमबार राति साढे ८ बजे गोली चलेको हो ।
गोलीले शर्माको घरको तेस्रो तलाको झ्यालको सिसा फुटेको छ । शर्माकी छोरी पढिरहेको कोठामा गोली झ्यालको शिशा फुटाई भित्र पसेको थियो ।
सिसा फुटेर केही चिजभित्र छिरेको आवाज आएपछि परिवारका सदस्य त्यहाँ पुगेका थिए ।
कोठामा सानो गोली फेला परेपछि प्रहरीमा खबर पुगेको थियो।
महानगरीय प्रहरी अपराध महाशाखाले शर्माको घरमा इजाजतप्राप्त हतियार ‘टुटु’ राइफलबाट गोली चलेको बतायो ।
गोली कसले र किन चलायो भन्ने विषयमा सुक्ष्म अनुसन्धान भइरहेको छ ।
