बझाङ । जयपृथ्वी नगरपालिका–७ ले पहिलोपटक एकल पुरुषलाई भत्ता वितरण गरेको छ । राज्यले एकल महिला, दलित, बालबालिका लगायतका लक्षित वर्गलाई सामाजिक सुरक्षा भत्ता दिएको भए पनि एकल पुरुषलाई यस्तो सुविधा छैन । वडामा रहेका एकल पुरुषको तथ्यांक संकलन गरी प्रतिव्यक्ति २५ सय रुपैयाँ वितरण गरिएको वडा अध्यक्ष हरिचन्द जोशीले बताए । स्थानीय सरकारले आफ्ना समस्या बुझेर भत्ता दिएको भन्दै ६० वर्षीया पदमबहादुर बमले खुसी व्यक्त गरे । उनले यसलाई निरन्तरता दिन नगरपालिकलाई आग्रह पनि गरेका छन् । अन्य वडाहरूमा पनि एकल पुरुषलाई भत्ता दिने नगरपालिका प्रमुख वीरेन्द्र खडकाले बताए ।
