नछोड धर्ती नहटाउ पाऊ ।
फल्नेछ यहि ऐश्वर्य कमाऊ ।।
यो धर्ती फुटाई हेर एक बार ।
नजाऊ छोडी घर परिवार ।।
यही जन्मे बुद्ध जानकी माता ।
नछोड आज बृद्ध माता पिता ।।
छरेर ज्योति ज्ञानको उज्यालो ।
जन्मभूमिमै कर्म गर्नु हुन्छ शुभलो ।।
हरिया छन् डाँडा पहाडका फल ।
कलकल बगेका खोला नदिनाला ।।
लस्करी मिलेका दन्तै देखाई ।
हाँसेका हिमाल गुराँसै फिँजाइ ।।
छड़्छड़् छहरा बग्दै आए तराई ।
सुकेका फाँटलाई हरियै बनाई ।।
नजाऊ अन्त परदेश देख्न पाइदैन् ।
यो जस्तो सुन्दर भूमि टेक्न पाइदैन् ।।
म त बिन्ति गर्छु यी पहाडसंग ।
हिमालपारीका कञ्चनजंगासंग ।।
तराईका हराभरा फाँटहरू उस्तै ।
नहराउनु तिमी देशविदेश कुद्दै ।।
