काठमाडौं := नेपालमा आएको भीषण बाढी तथा पहिरोका कारण ठूलो मानवीय क्षति भएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार शनिबार साँझ ६ः३० बजेसम्म पहिरो प्रभावित विभिन्न क्षेत्रमा ६७५ जनाको शव फेला परेको छ भने २ हजार ४९८ जना अझै बेपत्ता रहेका छन्।
संस्कृति, पर्यटन तथा नागरिक उड्डयन मन्त्रालयअन्तर्गतको नेपाल पर्यटन विभागका अनुसार शनिबार साँझ ५ः३० बजेसम्म ७५३ जना पर्यटकसँग सम्पर्क हुन नसकेको जनाएको छ। सम्पर्कविहीन पर्यटकमध्ये ५८९ जना विदेशी नागरिक रहेका छन्।
यसैबीच, काठमाडौं जिल्ला प्रशासन कार्यालयले शनिबार आकस्मिक सूचना जारी गर्दै रसुवा, नुवाकोट र धादिङका बाढी तथा पहिरो प्रभावित नागरिकका लागि राहत सामग्री उपलब्ध गराउन काठमाडौंमा रहेका विभिन्न संघ–संस्था, प्रतिष्ठान, व्यवसायिक संस्था तथा व्यक्तिहरूलाई सहयोग गर्न अपिल गरेको छ।
प्राकृतिक विपत्तिबाट प्रभावित क्षेत्रमा उद्धार, खोज तथा राहत कार्यलाई तीव्रता दिनुपर्ने आवश्यकता देखिएको छ। पछिल्लो विपत्तिले ठूलो जनधनको क्षति पुर्याएपछि प्रभावित परिवारलाई तत्काल राहत तथा पुनर्स्थापनाको आवश्यकता बढेको छ।
