काठमाडौं := फागुनको १ गतेदेखि सिनेमाघरमा आउने मिति तय गरेको चलचित्र ‘कल्ली’को तीन पोस्टर सार्वजनिक गर्दै यसको निर्माणपक्षले प्रचार आरम्भ गरेको छ । किरण नेपालीको प्रस्तुतिमा तयार भएको यो चलचित्रको पोष्टरमा कलाकारहरूको लेखन रहेको यो चलचित्रमा कथा र निर्देशक लक्ष्मण सुनारको छ ।
सार्वजनिक पोष्टरमा नायक नाजिर हुसेन र नायिका वर्षा राउतको काखमा बाल कलाकार मञ्जिला बानियाँलाई देख्न सकिन्छ । यस्तै, एक अर्को पोष्टरमा कलाकार सुलक्षण भारतीको भिन्न गेटअप छ । यस्तै, अर्को एक पोष्टरमा नायक सौगात मल्ललाई देख्न सकिन्छ । यसले, चलचित्रको कथावस्तुबारे दर्शकको उत्साह अझै बढाउने देखिएको छ ।
यस चलचित्रमा उत्तम प्रधान, सौगात मल्ल, अर्पण थापा, बेनिशा हमाल, सुलक्षण भारती, वर्षा राउत, बेगम नेपाली, विनोद न्यौपाने, रेयर राई, प्रियना आचार्य, अर्जुन गुरुङ, सन्जोक राणा, गीता अधिकारी, कुलबहादुर अधिकारी, सरस्वती खत्री र श्याम मगरको मुख्य भूमिका छ । यस्तै, चलचित्रमा उपेश ढकाल, मञ्जिला बानियाँ र समर्पण खतिवडा बाल कलाकारको रूपमा हुनुहुन्छ ।
आशिष अविरल, सरित राई, केतन क्षेत्रीको संगीत रहेको यो चलचित्रमा एनवी महर्जनको एक्सन, निसाल पौडेलको छायांकन छ । राकेश दाहालले चलचित्रको पोस्टर तयार पार्नुभएको हो । लेकाली इन्टरटेन्मेन्ट प्रा.लि र कस्तुरी प्रोडक्सनको प्रस्तुतिमा यो चलचित्र तयार भएको हो ।
