क्वालालम्पुर (मलेसिया):= वैदेशिक रोजगारीको सिलसिलामा मलेसियामा काम गर्न आएर मलेसियालि प्रहरीद्वारा पक्राउ परि लामो समयदेखि घरफिर्ती केन्द्रमा बसिरहनु भएका एक नेपाली श्रमिक स्वदेश फर्केका छ्न ।
मलेसियास्थित नेपाली राजदूतावासको सहयोग समन्वय र प्रवासी नेपाली मंच मलेसियाले गरेको हवाई टिकट सहयोगमा घरफिर्ती केन्द्रमा रहनु भएका कुमारवती ७ नवलपरासी जिल्ला निवासी कृष्ण बहादुर बिक सकुशल स्वदेश फर्किएको नेपाली दूतावासका जनसम्पर्क अधिकृत जयप्रकाश गिरिले बताउनुभयो ।
नेपाली राजदूतावास मलेसियाले पछिल्लो समय यहाँ मलेसियामा विभिन्न किसिमको दु:ख पिडा र समस्यामा परेका नेपाली श्रमिकहरुको उद्दार सहयोग गर्दै स्वदेश फर्काउने काममा तिव्रता दिएको छ ।
दूतावासले यहाँ रहेका विभिन्न संघसंस्था संग पनि समन्वय , सहकार्य गरेर नेपालीहरुको उद्दार गर्ने काम गर्दै आएका छ्न । जानकारी अनुसार मलेसियामा कुनै नेपाली लाई कुनै किसिमको अप्ठ्यारो समस्या परेमा दूतावासको हटलाइन नम्बर +६०१६२४७२७७७ मा सम्पर्क गर्न सकिने जनाएको छ ।
