मलेसियामा नयाँ राजदूत डिल्लीराज पौडेलको भब्य स्वागत तथा शुभकामना आदानप्रदान सम्पन्न।

क्वालालम्पुर (मलेसिया):= मलेसियाका लागी नव नियुक्त राजदूत डिल्लीराज पौडेललाई स्वागत तथा हिन्दू धर्मावलम्बीहरुको चाडपर्वहरू बिजया दशमी दसैं , शुभ दिपावली र छठ पर्वको पावन अबसरमा शुभकामना आदान-प्रदान कार्यक्रम भब्यताको साथ सम्पन्न भएको छ ।

हिजो आईतवार मलेसियाको राजधानी क्वालालम्पुर चौकिटमा अवस्थित होटेल ग्राण्ड कन्टिनेन्टलमा गैर आवासिय नेपाली संघ (एनआरएनए) मलेसिया , नेपाली व्याबसायी समाज मलेसिया र नेपाल आदिबासी जनजाति महासंघ मलेसियाको संयुक्त आयोजनामा सो कार्यक्रम सभ्यभब्य सम्पन्न भएको हो।

राजदूत डिल्लीराज पौडेललाई कार्यक्रममा स्वागत गर्नुहुँदै।

एनआरएनए महासचिव रन्जित क्षेत्री र आदिवासी जनजाती महासंघका सचिव ईश्वर राईले सञ्चालन गर्नुभएको उक्त कार्यक्रममा नव नियुक्त राजदूत पौडेललाई आयोजकको तर्फबाट एनआरएनए अध्यक्ष बिनोद थापाले मायाको चिनो प्रदान गरि अन्य उपस्थित विभिन्न संघसँस्थाका प्रतिनिधी र मलेसियामा रहेका पत्रकार , ब्यावसायी लगायतका नेपाली श्रमिकहरुले समेत खादा ओढाएर सम्मानका साथ स्वागत गरेका थिए ।

रन्जीत क्षेत्री र ईश्वर राईले कार्यक्रम संचालन गर्दै

कार्यक्रममा राजदुत पौडेलले बोल्दै भन्नुभयो , आफुले सबै नेपाली संघ-सँस्थासँग सहकार्य गरेर नेपाल र नेपालीको लागी केही नया काम गर्ने बताए । दूतावासको सेवा प्रवाहको क्षमता बढाउँदै मलेसियामा कार्यरत नेपाली श्रमिकका समस्या सम्बोधनलाई प्राथमिकता दिने राजदुत पौडेलले बताए ।

तलब सुविधा, सीप विकास, आवास, उपयूक्त सूचनाको व्यवस्थालाई थप प्रभावकारी बनाउने तथा श्रमस्वीकृतिको अवधि सकिएर कानुनी हैसियत गुमाई अलेखबद्ध भएका श्रमिकका समस्या सम्बोधनलाई प्राथमिकता दिने उनको भनाइ रहेको छ । मलेसियाको बजारमा माग भएअनुसार उपयुक्त सीप तालिम लिइ श्रमिकहरु जाने गरेमा ज्याला र सुविधामा वृद्धि हुने भएकोले त्यसतर्फ प्रयास गरिने उनले बताए ।

राजदूत डिल्लीराज पौडेलले मन्तव्य दिनुहुँदै ।

मलेसियामा विभिन्न पेशामा रहेका नेपालीहरुसँग सहज सम्पर्क स्थापना गर्दै उनीहरुको अधिकतम हित र सुरक्षाका कार्यहरुलाई प्राथमिकता दिने उनले बताए । सन् २०१८ मा भएको श्रम सम्झौता नविकरणलाई पनि उनले प्राथमिकता दिने बताए ।

नेपालको प्रतिष्ठा र राष्ट्रिय सम्मानको अभिवृद्धि गर्दै द्विपक्षीय सम्वन्ध बलियो बनाउने बताउदै उनले नेपालका पर्यटकीय क्षेत्रहरुको प्रचारप्रसार, नेपाली उत्पादनहरुको मलेसियाका बजारमा प्रवर्द्धन, नेपालमा लगानी गर्न इच्छुक लगानीकर्ताहरुको पहिचान र सहजीकरण जस्ता कार्यहरुबाट नेपालको अधिकतम हित हुने गरी आर्थिक कुटनीतिमा समेत जोड दिने उनले बताए ।

नेपाल-मलेसियाबीच जनस्तरको सम्वन्ध विस्तारलाई समेत प्राथमिकता दिने उनले बताए । हाल मुख्य रोजगारीको गन्तव्य मानिएको मलेसियामा धेरै परिवर्तन ल्याउने कोशिष गर्ने पौडेलले बताए । कार्यक्रममा राजदुत पौडेलले दुतावासको सफलताका लागी नेपाली संघ,सँस्थाहरु समस्त नेपालीको ठुलो हात रहने बताए ।

त्यस्तै सोही कार्यक्रममा नेपाली राजदूतावास मलेसियाका द्वितीय सचिव यशू बस्नेत नेपालको सम्माननीय राष्ट्रपति विद्यादेवी भण्डारीबाट संविधान दिवसको अवसरमा प्रबल जनसेवाश्री मानपदवीद्वारा विभूषित हुनुभएकोमा कार्यक्रमका आयोजकद्वारा दोसल्ला ओढाइ र मायाको चिनो प्रदानगरि सम्मान गरेका थिए ।

सम्मान ग्रहण गर्दै दूतावासका द्धितिय सचिव यशु बस्नेत

कार्यक्रमको अन्त्यमा कार्यक्रममा उपस्थित सम्पुर्ण अतिथि लगायत नेपालीहरूले महत्वपुर्ण समय खर्चेर निमन्त्रणालाई स्वीकारी उपस्थित भई कार्यक्रम सफल बनाउन सहयोग गरेकोमा एनआरएनए मलेसियाका अध्यक्ष थापाले धन्यवाद ब्यक्त गरेका थिए ।

एनआरएनए अध्यक्ष बिनोद थापाले शुभकामना सहित धन्यवाद मन्तव्य राख्दै ।

थापाले मलेसियामा रहेका सबै संघ सँस्थाहरु बिच सहकार्य गर्दै राजदुतावासको समन्वयमा अगाडी बढ्ने बताए । बिश्वका धेरै देशमा दोस्रो राजदुतावासका रुपमा सामाजिक कार्य गर्दै आएको गैरआवासीय नेपाली संघ एनआरएनए मलेसियाका अध्यक्ष थापाले धेरै पछी मलेसियामा राजदुत आउनुभएकोमा खुशी ब्यक्त गरे । थापाले आफूहरुले बिगतका दिनमा जस्तै दुतावासको निर्देशनमा सहकार्य गर्दै अगाडी बढ्ने बताए ।

इन्द्र लिम्बू र बिपिन राईले मन्तव्य राख्दै।

उक्त कार्यक्रम एनआरएनए अध्यक्ष बिनोद थापाको सभापतित्वमा , राजदूत पौडेलको प्रमुख अतिथ्यतासंगै दूतावासको उप-नियोग प्रमुख डिसिएम मोती बहादुर श्रीष , द्धितिय सचिवद्धय प्रतीक कार्की , यशु बस्नेत , प्रेम बहादुर बुद्ध थापा , श्रम सहचारी दिपक ढकाल , प्रकाश पन्थी लगायत महासंघ मलेसियाका अध्यक्ष बिपिन राई ,ब्यावसायी समाजका अध्यक्ष इन्द्र लिम्बू , एनआरएनए एशिया प्याशिफिक डिआरसी हरि प्रसाद भट्टराई, एनआरएनए मलेसियाका सँस्थापक अध्यक्ष शंकर बहादुर पौडेल , एनआरएनए उपाध्यक्ष ईन्द्र लिम्बु,हेमराज सापकोटा,दिल केरुङ,सचिव नारायण अधिकारी , कोषाध्यक्ष कृष्ण नेपाल, एनआरएनए आईसिसि सदस्य नेत्र केसी, नेपाली जनसम्पर्क समिति मलेसियाका प्रतिनिधि तेज कुमार राई , नेता बिरेन्द्र कुमार नेगी , माओवादी मलेसियाका प्रतिनिधि प्रेम पाण्डे, नेता दयाराम कुमाल , त्यस्तै मलेसियामा रहेका पत्रकारहरु आरएन चौधरी थारु , कृष्ण गुप्ता, सुनाखरी मगर , मिलन तामाङ , यज्ञ कुमार राई लगायत विभिन्न राजनीतिक तथा सामाजिक संघसंस्थाको प्रतिनिधि , अतिथीहरुको उल्लेख्य सहभागीता उपस्थितिमा कार्यक्रम सम्पन्न भएको थियो।

एमाले मलेसियाका नेता दयाराम कुमाल मन्तव्य राख्दै
माओवादी नेता प्रेम पाण्डे मन्तव्य राख्दै

बाबुराम भट्टराई नेतृत्वको नेपाल समाजवादी पार्टीका नेता बिरेन्द्र नेगी मन्तव्य राख्दै
फोटो क्रेडिट : कृष्ण गुप्ता / आरएन थारु

कार्यक्रममा उपस्थित सम्पुर्णले पालैपालो दसैं , तिहार र छठको उपलक्ष्यमा शुभकामना मन्तव्य व्यक्त गर्नुको साथै नव नियुक्त राजदूत पौडेललाई मलेसियामा कार्यरत नेपाली श्रमिकको समस्या बारे धारणा राख्दै त्यसको समाधान गर्न ध्यानाकर्षण गराउनु भएको थियो । कार्यक्रमलाई मनोरञ्जनात्मक बनाउन स्थानीय कलाकारहरुले नृत्य समेत प्रस्तुत गरेका थिए।