क्वालालम्पुर (मलेसिया):= मलेसियको पुर्व प्रधानमन्त्री दातोक श्री नाजिब राजाकलाई यहाँको संघीय अदालतले १२ बर्ष जेल सजाय र २१० मिलियन जरिवाना रकम सहितको सजाय सुनाएको छ।
आज मंगलबार यहाँको अदालतको प्रधानन्यायाधीश तेङ्कु मैमुन तुन माटको नेतृत्वमा रहेको पाँचजना न्यायाधीशकोल प्यानलले एसाआरसि ईन्टरनेशनल एसडिएन बिएचडीको आरएम ४२ मिलियन रकम भ्रष्टाचार मुद्दामा दोषी ठहर गर्दै १२ बर्षसम्म जेल सजाय र २१० मिलियन रकम , नेपाली रुपैयाँ करिब ६ अर्ब ३० करोड रुपैयाँ जरिवाना रकम सहितको सजाय सुनाएको हो ।
पुर्व प्रधानमन्त्री नाजिब बिगत कैयौं बर्षदेखि भ्रष्टाचार मुद्दा खेपिरहेको थियो भने बारम्बार अदालतमा धरौटी रकम तिरेर छुटेर बाहिर हिलडुल गरिरहेको र मुद्दा लड्दै आईरहेको थियो।
तर आज मंगलबार बसेको अदालतको इजलासले नाजिबको मुद्दामा अन्तरिम फैसला सुनाएर जेल चलान गर्न आदेश दिइएको हो।
नाजिबलाई सन् २०२० को जुलाईमा दोषी ठहर गरिएको थियो, तर पुनरावेदनका क्रममा ऊनी बारम्बार जमानतमा छुटेका थिए। उनीमाथिको दण्ड ढिलाई गर्न रजकले गरेको अनुरोधलाई अदालतले अस्वीकार गरेको छ । आफूले कुनै गलत कार्य नगरेको उनले निरन्तर बताउँदै आएका छन्। सन् २०२० मा एक अदालतले रजकलाई विभिन्न सातवटा अभियोगमा दोषी पाएको थियो ।
पुर्व प्रधानमन्त्री नाजिबलाई मलेसियाको सुङ्गाइबुलो कारागार ,जेलमा राखिने आदेश दिइएको बताइएको छ। तर नाजिब सुङाईबुलो जेल पुग्नु भन्दा पहिल्यै वरिपरि सञ्चारकर्मी र स्थानीयको अत्याधिक भिड जम्मा भएको सुचना पाए लगत्तै प्रहरीले काजाङ स्थित जेलमा लगेर राखेको स्थानीय मिडियामा प्रकाशित समाचारमा उल्लेख गरिएको छ।
Source : Harian metro .com
