काठमाण्डौं := प्रधानमन्त्री केपी शर्मा ओलीले दलहरुलाई वैकल्पिक सरकार बनाउन आग्रह गरेका छन् । उनले अहिले पत्रकार सम्मेलन गर्दै यस्तो आग्रह गरेपनि राजीनामा भने दिएका छैनन् । उनले आफू लोकतन्त्रका लागि लडेको भन्दै आफूलाई अरुले लोकतन्त्र पढाउनु नपर्ने बताए ।
राष्ट्रपति भनेको गणतन्त्रको प्रतीक भएको भन्दै सरकारले गरेको सिफारीसका आधारमा जारी हुने आदेशलाई लिएर राष्ट्रपतिलाई अपमानित गरिएकोप्रति आपत्ति जनाए ।
उनले आफ्नो दलको नभए वा आफ्नो स्वार्थ अनुसार भएन भन्दैमा राष्ट्रपतिलाई अपमानित गर्न नहुने बताए ।
नयाँ सरकारले १५ गते बजेट पेश गर्ने समय नभएका कारण छोटो समय राखेर सरकार गठनका लागि राष्ट्रपतिले आव्हान गरेको बताईन् । जहिले पनि केपी ओलीले विगार्यो, प्रतिगमन ल्यायो भन्दै विरोध गरिएको भन्दै आज ५ बजे सम्म कसैले वैकल्पिक सरकार दिए ठीक छ नदिए सहमतिका साथ राष्ट्रिय सरकार बनाउन आव्हान गरेका छन् ।
कोभिड बिरुद्ध लड्न पनि सँयुक्त रुपमा अघि बढ्नु पर्ने प्रधानमन्त्रीले उल्लेख गरे । आफ््नै पार्टीका नेताहरु आफ्नै सरकार ढाल्ने जस्ता आपराधीक कार्यमा लागेको उनले बताए ।
राष्ट्रिय सहमति कायम गरेर सहमतिको सरकार बनाउन प्रधानमन्त्रीले आव्हान गरेका छन् ।
