राजवंशी समुदायको भेला फागुन पहिलो साता।

विराटनगर:= ‘आदिवासी जनजातिमा सूचीकृतका लागि दबाब सिर्जना गरौँ, विराट राजवंशीको एकता, ऐक्यबद्धता र प्रतिबद्धताका लागि विराटनगरमा भेला हौँ’ मूलनारा दिएर राजवंशी समाज उत्थान समितिले विराटनगरमा भेला गर्ने भएको छ ।

आगामी फागुन ६ गते हुने सो बृहत् भेलामा राजवंशी समुदायले आफ्नो पहिचान, अस्तित्व, अधिकार, मूल्य मान्यता स्थापित गराउन सामूहिक आवाज उठाउने समितिका अध्यक्ष भुवनेश्वर मण्डलले आज यहाँ पत्रकार सम्मेलनमा जनकारी गराउनुभयो ।

विराट राजवंशी समुदायको यो १४औँ भेलामा महाभारतकाल मत्स्य देशको विराट राजासँग जोडिएको विराट राजवंशी समुदाय पूर्वी तराईको मूल आदिवासी यस समुदायका मानिसले अधिकार र अवसरबाट वञ्चित भइरहेकाले भेलामा घनिभूत आवाज उठाउने अध्यक्ष मण्डलले जानकारी दिनुभयो ।

उहाँले पूर्वी तराईको पहिलो जातिको रुपमा चिनिएको विराट राजवंशी समुदाय आदिवासी जनजातिमा सूचीकृत नहुनु दुःख लागेको चर्चा गर्दै राज्यको हरेक अङ्गमा विराट राजवंशीको स्थान सुनिश्चित गरिनुपर्ने माग गर्नुभयो । 

उहाँले पत्रकार सम्मेलनमा विराटनगरको प्रथम जातिको रुपमा विराट राजवंशीलाई घोषणा गर्नुपर्ने र प्रदेश नं १ को नाम  विराट प्रदेश हुनुपर्ने हाम्रो माग हो भन्नुभयो । भेलामा यस क्षेत्रका करीब ५० हजार राजवंशी भेला हुने बताइएको छ । रासस