क्वालालम्पुर ( मलेसिया ):= मलेसियाको प्रधानमन्त्री तान श्री मुहमद्दीन यासिनले शुक्रवार राष्ट्रको नाममा सम्बोधन गर्दै कोरोना भाइरस (कोभिड-१९) को महामारी फैलिन नदिनका लागि रिकभरी आवागमन नियन्त्रण आदेश (RMCO) लाई यो बर्षको अन्तिम महिना डिसेम्बर ३१ तारिख सम्म बढाइएको छ।
उनले हालसालै नयाँ क्लस्टरमा संक्रमण देखिएको र दैनिक घटबढ भैईरहेको नयाँ संक्रमितहरूको संख्यालाई ध्यानमा राख्दै उक्त निर्णयलाई कार्वानयन गर्ने टेलिभिजनमा प्रत्येक्ष प्रसारण मार्फत राष्ट्रलाई गरेको विशेष सम्बोधनमा बताए।
रिकभरी एमसीओको हालको विस्तारसँगै, मोहिद्दीनले भने कि संक्रामक रोगहरूको रोकथाम र नियन्त्रण ऐन १९८८ अन्तर्गत अथवा ऐन ३४२ अन्तर्गत SOP पालना नगर्नेहरुलाई कारबाही गर्न सकिन्छ। “यो सुनिश्चित गर्नका लागि सबै पार्टीहरूले मानक अपरेटिंग प्रक्रिया (SOP) र अवस्थित स्वास्थ्य प्रोटोकलहरू अनुसरण गर्नेछन्,” उनले भने। विश्वव्यापी घटनाक्रमका आधारमा, मोहिद्दीनले भने कि मलेसिया भाइरसबाट मुक्त हुन अझै धेरै समय लाग्ने छ।
“हाल, स्थिति नियन्त्रणमा छ। तर यदि कुनै खास इलाकामा घटनामा वृद्धि भएको छ भने सरकारले लक्षित दृष्टिकोण जस्तै बृद्धि भएको एमसीओ वा लक्षित एमसीओ प्रयोग गर्नेछ जुन यसभन्दा पहिले धेरै क्षेत्रमा लागू भइसकेको छ।” उनले भने।
मुहिद्दीनले थपे कि केही ठाउँमा कडा नियमहरू लागु हुने छ, किनभने देशमा सुपर स्प्रेडर भाइरसबाट सर्ने जोखिमलाई नियन्त्रण गर्नुछ्न। यस नियमबाट कसैलाई पनि छुट दिइदैन, र यसको उल्लंघन गर्ने कुनै पनि व्यक्तिलाई तदनुसार नियम अनुसार सजाय दिइनेछ।
“यस सम्बन्धमा म स्वास्थ्य मन्त्रालयले सम्बन्धित अपराधहरुका लागि कम्पाउन्ड जरिवाना हालको दरमा कम्तिमा दुई वा तीन गुणा बढाउने प्रस्तावलाई समर्थन गर्दछु। तर यस विषयमा छानबिन गर्नु आवश्यक छ , र ऐन ३४२ लाई पहिले संशोधन गर्नु आवश्यक छ”। उनले थपे कि घरेलु व्यापार र उपभोक्ता मामिला मन्त्रालयले अनुहारको मास्कको मूल्य घटाउन कारखाना र वितरकसँग वार्ता गरिरहेको छ।
यदि वार्ताले काम गरेमा अनुहारको मास्कको मूल्य सस्तो हुनेछ र यसले जनताको बोझ कम गर्ने छ,” उनले भने
मुहिद्दीनले भने कि नाईटक्लब र मनोरन्जन आउटलेटहरू बाहेक अरु सबै आर्थिक क्षेत्रहरू पुनः खुलेका छन्। उनले भने कि उनीहरुलाई अझै पनि संचालन गर्न दिइने छैन किनकि नयाँ नियम अन्तर्गत यी ठाउँहरुको पर्यवेक्षण गर्न गाह्रो छ। साथै विदेशी पर्यटकहरुलाई पनि देशमा प्रवेश गर्न दिईएको छैन। खेलकुद गतिविधिहरूलाई अनुमति दिइनेछ तर यो अन्तर्राष्ट्रिय सहभागी र श्रोताविना हुनेछ,” उनले भने।
