काठमाडौं := असोजको २४ गतेबाट सिनेमाघरमा आउन लागेको चलचित्र ‘ज्वाइँ साब’को टिजर सार्वजनिक गरिएको छ । चलचित्रको टिजरमा मुख्य कलाकार जीतु नेपाल र नीति शाहलाई प्राथमिकता दिइएको छ । टिजरमा जीतु बेहुला र नीतिलाई हात्तीमाथि चढेर बेहुलीको भेषमा देखाइएको छ ।
मिनादेवी खड्का, सौगात पण्डित र पदमलाल तामाङको लगानी रहेको चलचित्रलाई वसन्त निरौलाले निर्देशन गर्नुभएको छ । विजय बस्याल कार्यकारी निर्माता रहेको चलचित्रमा शंकर धितालको लेखन, सविन अधिकारीको कथा, श्याम तामाङको छायांकन, सञ्जय थापाको एक्सन, अर्जुन पोखरेल र महेश ताम्राकारको संगीत छ ।
चलचित्रमा जीतु र नीति शाहको अलवा बुद्धि तामाङ, रमेश बुढाथोकी, शिशिर वाङ्देल, प्रकाश घिमिरे, निमा पाण्डे, हिमेश पन्त, शिवहरि वैरागी, राजेन्द्र नेपाली, कविता आले, शिवु पाण्डे, इशान राउतलगायत कलाकारको अभिनय छ । यो फिल्म उक्त मितिमा ‘छक्कापञ्जा ५’ र ‘१२ गाउँ’सँग भिड्दैछ ।
