काठमाडौं := असोज ३ गते संविधान दिवसको अवसर पारेर सिनेमाघरमा आउने तयारीमा रहेको चलचित्र ‘ह्रस्व दीर्घ’ को नयाँ पोष्टर सार्वजनिक गरिएको छ । आइतबार सार्वजनिक गरिएको पोष्टरमा अभिनेता हरिहर अधिकारीलाई देख्न सकिन्छ । जहाँ उहाँलाई ‘एंग्री योंगम्यान’को रूपमा प्रस्तुत गरिएको छ ।
चन्द्र पन्तको निर्देशन रहेको सार्वजनिक चलचित्रको पोष्टरमा हरिहरसहित कवीर सिंह दुहान, प्रदीप रावत, सुनिल वर्मा र प्रशान्त ताम्राकारलाई फिचर्ड गरिएको छ । केही दिनमा सिनेमाको टिजर सार्वजनिक गर्ने तयारी निर्माण टिमको छ ।
नीता फिल्मस्को प्रस्तुतिमा निर्माण भएको चलचित्रका कार्यकारी निर्माता धनन्जय गलानी हुनुहुन्छ । चलचित्रमा नीता ढुंगाना, ब्रहृमानन्दम, अली, सञ्चीता लुइँटेल, विपना थापा, सरोज खनाल, नरेन खड्का, गरिमा शर्मा, रवीन्द्र झा, आर्दश मिश्र, बुद्धि तामाङ, किरण केसी लगायतका कलाकारको अभिनय छ ।
अभिनेता हरिहर अधिकारीको कथा र प्रतीक पौडेल, निर्देशक पन्त र हरिहरको पटकथा तथा संवाद रहेको चलचित्रलाई बलिउडका चर्चित सिनेमाटोग्राफर कवीरलालले छायांकन गर्नुभएको हो । चलचित्र नेपाली, तेलुगु र हिंन्दी गरी तीन भाषामा सार्वजनिक हुनेछ ।
