काठमाडौं := चलचित्र ‘छक्कापञ्जा-५’को फस्र्टलुक पोस्टर सार्वजनिकसँगै छायांकन आरम्भ गरिएको छ । चलचित्रका निर्माता तथा कलाकार दीपकराज गिरी, निर्देशक दीपाश्री निरौलालगायतले सामाजिक सञ्जालमा पोस्टर सार्वजनिक गर्नुभएको हो ।
दीपाश्रीको निर्देशनमा निर्माण हुने यो चलचित्रको बिहीबारदेखि छायांकन आरम्भ गरिएको छ । चलचित्रको अभिनेत्रीमा वर्षा सिवाकोटी रहनुभएको छ । पोस्टरमा वर्षाको अलावा दीपकराज गिरी र केदार घिमिरे माग्ने बुढा फिचर्ड हुनुहुन्छ ।
पोस्टरमा चलचित्रको सिनेमाघरमा आउने मिति आगामी असोज २४ गते फूलपाती बताइएको छ । चलचित्रले अर्थ-सामाजिक आयामलाई व्यंग्य गर्ने बताइन्छ ।
काभ्रेको पाँचखाल क्षेत्र, पनौती, पोखरा आसपासमा ४५ दिन छायांकन सेडुल निर्धारण गरेको चलचित्र आमा सरस्वती मूभिज र आइएमईको प्रस्तुतिमा बन्न लागेको हो । चलचित्रको बिहीबार बिहान भक्तपुरस्थित सूर्यविनायक मन्दिरमा शुभमुहूर्त गरिएको थियो ।
