एजेन्सी := म्याराडोनाले सन् १९८६ को विश्वकपमा जितेको गोल्डेन बल ट्रफी लिलामी हुने भएको छ । अर्जेन्टिनाका दिवंगत फुटबलर डिएगो म्याराडोनालाई सन् १९८६ को विश्वकपमा उत्कृष्ट खेलाडीका रूपमा प्रदान गरिएको गोल्डेन बल ट्रफी लिलामीमा समावेश गरिएको आगुट्टेस आउक्सन्सले जनाएको छ । लिलामी अर्को महिना फ्रान्समा हुनेछ ।
लिलामीका लागि माथि जाने यो पहिलो गोल्डेन बल हो र मूल्य अझै पुष्टि भएको छैन । तर, जुन ६ मा हुने लिलामीमा यसको मूल्य लाखौं पर्ने अनुमान गरिएको छ । म्याराडोनाको मृत्यु २५ नोभेम्बर २०२० मा भएको थियो ।
उहाँको कप्तानीमा अर्जेन्टिनाले फाइनलमा पश्चिम जर्मनीलाई ३-२ ले हराएर १९८६ को विश्वकप जितेको थियो । गोल्डेन बल ट्रफीको सुरुवात सन् १९८२ को विश्वकपबाट भएको थियो । अर्जेन्टिनाका लियोनल मेस्सी दुईपटक गोल्डेन ट्रफी जित्ने एकमात्र खेलाडी हुनुहुन्छ । एजेन्सी
