क्वालालम्पुर (मलेसिया):= सोलुखुम्बु दुधकुन्डा १० निवासी हाल मलेसियामा सुरक्षागार्डमा कार्यरत दावा शेर्पालाई नेपाली राजदुतावास मलेसियाले सम्मान गरेको छ।
मलेसियाको ए-फाइभ सेक्युरिटी सर्भिसमा आबद्ध रहि चार वर्षदेखि काम गर्दै आएका दावा शेर्पाले गत हप्ता दमनसारास्थित एक सपिङ सेन्टरको गाडि पार्किङमा डिउटिमै रहेको अवस्मथामा मलेसियन रिंगेट आरएम ५ लाख ८७ हजार भेटाएका थिए ।
नेपाली रु. १ करोड ६० लाख भन्दा बढी पैसाले खचाखच भरिएको अवस्थामा सुटकेस भेटाएर शेर्पा कार्यरत कम्पनी मार्फत नजिकैको प्रहरीलाई खबर गरि इमानदारीसाथ बुझाएका थिए। शेर्पाको इमानदारीताको कदर गर्दै नेपाली राजदुतावास मलेसियाले मंगलवार,दावा शेर्पाले आफ्नो पेशागत निष्ठा तथा ब्यावसायीकता प्रमाणित गरिएको भन्दै दोसल्ला ओढाई सम्मान गरेको छ।
नेपाली सुरक्षागार्ड शेर्पाको यो ईमान्दारिताले नेपाल र नेपालीको शिर उच्च बनाएको छ ” आगामी दिनमा पनि यसैगरी नै आफ्नो इमानदारीता मार्फत नेपालीको पहिचानलाई चिनाउनु हुनेछ भन्ने आसा रहेको राजदूतावासले भने ।
