क्वालालम्पुर (मलेसिया):= नेपाली राजदूतावास मलेसियाले फागु पुर्णिामा (होली) को अवसरमा शुभकामना संदेश जारी गर्दै दूतावासको कार्यालय एकदिन बन्द रहने जनाएका छ्न ।
यहीँ मिति २०८० साल चैत्र १२ गते अर्थात सन् २०२४ मार्च २५ तारिख सोमबारका दिन नेपाली हिन्दु धर्मावलम्बीहरुको महान पर्व फागु पुर्णिामा (होली) को अवसरमा मलेसियास्थित नेपाली राजदूतावासको कार्यालय बन्द रहने एक सूचनामार्फत जनाएका हुन ।
त्यस्तै दूतावासले सार्वजनिक गरेको सूचनामा “मलेसिया लगायत फिलिपिन्स, इन्डोनेसिया, ब्रुनाई र टिमोर लिष्टेमा विभिन्न कामको सिलसिलामा रहनु भएका सम्पूर्ण नेपाली दाजुभाई तथा दिदी वहिनीहरुमा दूतावासको तर्फबाट हार्दिक शुभकामना व्यक्त गर्दछ।” भन्ने उल्लेख छ ।
साथै उक्त दिन नेपाली राजदूतावास, क्वालालम्पुरबाट प्रवाह गरिने नियमित कन्सुलर सेवाहरु समेत वन्द रहने व्यहोरा सवैमा जानकारी गराइन्छ। यस दिनमा नेपाली श्रमिकलाई कुनै किसिमको अप्ठ्यारो समस्या परेमा राजदूतावासमा जरुरी सम्पर्कको लागि हटलाइन नम्बर +६०१६२४७२७७७ मा सम्पर्क गर्न दूतावासले अनुरोध गरेका छ्न ।
