काठमाडौं:= प्रमोद खरेलको स्वरमा रहेको गीत ‘मनमा पर्यो चोट’ सार्वजनिक भएको छ । गौरव गिरी र एलपी शर्माको शब्द रचना, रोहित देउवाको संगीत, विषम आचार्यको एरेञ्ज र सजन शाहको मिक्सिङ/मास्टरिङ रहेको गीतको भिडियो सार्वजनिक भएको हो ।
गौरव गिरीले निर्देशन गरेको गीतको भिडियोमा एलपी शर्मा र उषा उप्रेतीको अभिनय छ । साथमा कलाकार भद्रजंग कुँवरसमेत अभिनयमा रहँदा दिवसनाथ, रोहित देउवा, हेमन्त धामी, सञ्जु अधिकारी, सुसन्या लीली खड्कालाई पनि देख्न सकिन्छ । वसन्त कुँवरको छायांकन र बलभद्र कुँवरको सम्पादन रहेको भिडियोमा कालिञ्चोक आसपासका रमणीय दृश्यलाई कैद गरिएको छ ।
