एजेन्सी := सामसुङ ग्यालेक्सी एस-२४ सिरिजको बुकिङ सुरु भएको छ । ग्यालेक्सी एस-२४ अल्ट्रा, ग्यालेक्सी एस-२४ प्लस र ग्यालेक्सी एस-२४ बेसको बुकिङ खुलेको कम्पनीले जनाएको छ । अग्रिम बुकिङ गर्नेले अल्ट्रा-२५६ जिबीको स्मार्टफोन खरिदमा डबल मेमोरी र बड्स एफई निःशुल्क पाउनेछन् ।
त्यस्तै, चार जिबी र्याम ६४ जिबी स्टोरेज ट्याब ए-८ एलटिई दुई हजार पाँच सय रुपैयाँमा पाउने पनि कम्पनीले जनाएको छ । प्लस र बेस खरिदमा बड्स एफई चार हजार रुपैयाँमा पाइनेछ । उपहारका साथै अग्रिम बुकिङ गर्ने पहिलो पाँच सय ग्राहकले एनसेल प्रिमियम नम्बर प्रतिदिन ७० मिनेट अल नेट भ्वाइस, सात सय एमबी डेटा र ७० एसएमएस सुविधा छ महिनाका लागि तीन हजार पाँच सय रुपैयाँ पाउने बताइएको छ ।
ग्यालेक्सी एस-२४ एक लाख ९९ हजार नौ सय ९९ र ग्यालेक्सी एस-२४ अल्ट्राको एक लाख ८४ हजार नौ सय ९९ रुपैयाँ रहेको छ भने ग्यालेक्सी एस-२४ प्लसको एक लाख ४२ हजार नौ सय ९९, ग्यालेक्सी एस-२४ बेसको मूल्य एक लाख १९ हजार नौ सय ९९ रुपैयाँ रहेको छ ।
