क्वालालम्पुर (मलेसिया):= मलेसियाली अध्यागमन विभाग (इमिग्रेशन)ले डिसेम्बर ३० तारिख शनिबार बिहान यहाँको बाङ्सारको अब्दुल्ला हुकुमस्थित अपार्टमेन्टमा छापामारी गरी वैधानिक यात्रा कागजात नभएको आरोपमा ५६७ अवैधानिक विदेशी कामदारलाई पक्राउ गरेको छ ।
क्वालालम्पुर इमिग्रेसनका निर्देशक स्यामसुल बद्रिन मोहसिनले यस क्षेत्रमा विदेशीको आगमनको बारेमा बासिन्दाहरूको गुनासो बढ्दै गएपछि एक हप्तासम्म आफ्नो गुप्तचरको परिणामस्वरुप बिहान ०१:१५ बजे सुरु भएको अपरेशन करिब तीन घण्टासम्म चलेको स्थानीय सञ्चार माध्यमलाई बताए।
“अवैधानिक धरपकड अपरेसनमा कूल १ हजार विदेशी नागरिकको चेकजाँच गरिएको थियो र पक्राउ परेका ५६७ गैरकानुनी आप्रवासीमध्ये २५२ जना बंगलादेशी नागरिक रहेका छ्न भने नेपाली १६३ जना , म्यानमार ७५ , इन्डोनेसिया ७२ , फिलिपिन्स ४ र भारतका १ जना नागरिक रहेका छ्न ।
“छापामारी धरपकडको दौरान १ देखि ५५ वर्ष उमेर समुहका अवैध आप्रवासीहरूलाई हिरासतमा लिएर बुकित जलिल अध्यागमन डिटेन्सन डिपोमा लगिएको छ र अध्यागमन ऐन १९५९/६३ को दफा ६(१)(सी) अनुसार अनुसन्धान अगाडि बढाइएको ,” उनले अपरेशन पछि स्थानीय पत्रकारहरूलाई भने।
उनले भने कि प्रारम्भिक अनुसन्धानमा संलग्न गैरकानुनी आप्रवासीहरू प्रति कोठामा ८ देखि १० जना बसोबास गर्ने घरहरूमा बस्दै आएका थिए, जसको भाडादर प्रति महिना आरएम १ हजारदेखि सुरु हुन्छ, र उनीहरूले अपार्टमेन्ट वरिपरि अवैध हैसियतमै रहि काम गर्ने गरेको पाइएको छ ।
केही विदेशीले भवनबाट हाम फालेर भाग्न खोज्दा अध्यागमन सदस्यले ढोका तोड्न बाध्य पार्दा ८५ अध्यागमन अधिकृत र सदस्यसहितको १४ तलाको अपार्टमेन्टको निरीक्षणका लागि गरिएको अपरेशनले पनि चुनौती सामना गरेको श्यामसुल बद्रिनले बताए ।
