रोहितको कप्तानीमा नेपालले युएईविरुद्धको तीनदिने एक दिवसीय सिरिजको उपाधि जित्यो।

बाट

November 18, 2022

काठमाडौं:= नेपालले युएईविरुद्धको तीन एक दिवसीय सिरिजको उपाधि जितेको छ । शुक्रबार भएको अन्तिम तथा निर्णायक खेलमा युएईलाई विकेटले पराजित गर्दै नेपालले सिरिज २-१ ले जितेको हो।सोमबारबाट सुरु भएको सिरिजमा पहिलो खेलमा युएईलाई ८४ रनको नतिजा सुम्पिएको नेपालले दोस्रो खेलमा तीन ६ विकेटको जित निकालेको थियो ।

शुक्रबार टियु क्रिकेट मैदानमा भएको तेस्रो खेलमा युएईले दिएको १७७ रनको लक्ष्य नेपालले ४०.१ ओभरमा ४ विकेट गुमाउँदै पुरा गर्यो । नेपालका लागि ज्ञानेन्द्र मल्ल र ओपनर आसिफ शेखले अर्धशतकिय पारी खेले । मल्ललेल ७३ बलमा ७ चौका र ३ छक्काको मद्धतमा ६४ रनको योगदान गरे । शेखले नटआउट रहँदै ११९ बलमा १२ चौकाको मद्धतमा ८८ रन बनाए । अर्का ओपनर अर्जुन साउद ९ रनमै आउट भए ।

कप्तान रोहित पौडेल १० रनमा रनआउट भए । हरिशङ्कर शाह शून्य रनमै अविजित रहे भने दिपेन्द्र सिंह ऐरी पहिलाे बलमै रन आउट भए । युएईका हजरत बिलाल र आयान अफजल खानले एक/एक विकेट लिए ।

यसअघि टस हारेर ब्याटिङ थालेको युएईले ५० ओभरमा ९ विकेट गुमाउँदै १७६ रन बनाएको थियो । युएईका लागि हजरत बिलाल र आयान अफजल खानले उत्कृष्ट साझेदारी गरे । एक समय ३१.१ ओभरमा ९३-९ को अवस्थामा पुगेपनि दशौं विकेटका लागि आयन र हजरतले पुरै ओभर खेल्दै अविश्वसनीय पूनरागमन गराए ।

बिलालले २० रन बनाउँदा खानले ५४ रनको योगदान गरे । ओपनर मोहम्मद वसीमले ११ रन बनाउँदा वृत्य अरविन्द शून्यमै आउट भए । सीपी रिजवानले ४, रोहन मुस्तफाले २४, अलिशान शराफुले ३३, बासिल हमिदले ८, विष्णु सुकुमारनले २ रन बनाए । अहमद रजा र जहुर खान शून्यमै आउट भए ।

नेपालका बलरहरुले उत्कृष्ट बलिङ गरे । गुलसन झा, दिपेन्द्र सिंह ऐरी र कुशल भुर्तेलले समान दुई/दुई विकेट लिएका छन् । ललित राजवंशी र सोमपाल कामीको नाममा एक/एक विकेट रह्यो ।

समाचार स्रोत : जनतापाटी डटकम

तस्बिर- नेपाल क्रिकेट संघ

रोहितको कप्तानीमा नेपालले युएईविरुद्धको तीनदिने एक दिवसीय सिरिजको उपाधि जित्यो।

भर्खरै

मलेसियामा सोक्सो/ पेर्केसोको ‘लिन्दुङ २४ जाम’ योजना प्रभावकारी बन्दै, १३६ दाबी स्वीकृत।

मलेसियाका राजाविरुद्ध आपत्तिजनक टिप्पणी गर्ने सुरक्षागार्डलाई ८ महिना जेल, ५० हजार रिङ्गेट जरिवाना।

फिफा विश्वकप नकआउट चरणमा कुन–कुन टीम पुगे, कुन बाहिरिँदै ?

नेपालमा गैरकानुनी रुपमा बस्दै आएका २४ बंगलादेशी काठमाडौंबाट पक्राउ।

सेलाङ्गोरका दुई कम्पनीमा अध्यागमनको छापा, नेपाली ३४ जनासहित २७० अवैधानिक पक्राउ।

लोकप्रिय

मलेसियामा डिएक्सनले ठगेको नेपाली श्रमीकको गुनासो

मलेसियाको सेलाङर राज्य स्थित केलाङको एक होटलमा एक नेपालि द्वारा नेपालिको हत्या।

मलेसियामा एकहप्ता भित्रै ८ नेपाली श्रमिकको मृत्यु, ती मध्य ५ जनाको मृत्यु आत्महत्या !

मलेसिया मार्च १८ देखी ३१ तारिखसम्मको लागी बन्द/मानिसहरु खाद्यान्नको जोहो गर्दै।

मलेसियामा नेपाली युवा कुटिए