रामधुनी नगरपालिकाबाट झुम्का बजार अनुगमन/अधिकांस ब्यवसाय दर्तामा नबिकरण नभएको पाईयो ।

सुनिल चौधरी,,झुम्का:= चाँड पर्वमा मुल्य बढाउने र अखाद्य बस्तुहरुको बिक्रि बितरण हुने भएकोले उपभोक्ता हित संरक्षणकालागी मंगलवार झुम्का बजार अनुगमन गरेको छ । उपमेयर सबिना चौधरीको संयोजकत्वमा किराणा पसल, औषधि पसल, कपडा पसल, मासु पसल लगायतका खाध्यान्न पसलहरुमा अनुगमन गरेको हो । झुम्का बजारभरीको १ सय ३० पसलमा अनुगमन गरेको जनाएको छ । अनुगमनले केहि पसलहरुबाट म्याद गुज्रेका सामानहरु भेटिएको छ । पाउरोटि बिस्कुट, फेन्सि तथा कस्मेटिकका सामानहरु भेटिएको हो । बिशेषगरी नगरपालिकाको आन्तिरीक आय स्रोतमा प्रभावित गर्ने खालको समस्या भेटिएको छ । साना पसलहरुबाट भेटिनु स्वभाविक हो भने ठुलै पसलहरुबाट पनि ब्यवसायिक दर्ताको नबिकरण नभएको पाईएको हो ।

भासि गाबिस हुदै दर्ता भएको ब्यवसाय हाल सम्म नबिकरण नगरी सञ्चालन भएको भेटिएको छ । नबिकरण नभएका पसलहरुलाई समय अवधि दिएर छाडेको जानकारी दिए । तिन दिन देखि एक हप्ता सम्म नबिकरण गरिसक्नु पर्ने जनाए । भासि गासबिमै दर्ता भएकाहरुले नगरपालिकाको नयाँ प्रमाण पत्र समेत लिनु पर्ने बताए । समय अवधि नाघेकाले एक हप्ता सम्म नबिकरण नगरे कानुन बमोजिम कार्वाहि गरिने प्रशासन तथा राजस्व अधिकृत बिनय परियारले जानकारी दिए । नगरपालिकाबाट निरन्तर अनुगमनमा चासो नदेखाएको भएर पनि हो यो समस्या निम्तिएको हुन सक्छ । यसबाट रामधुनी नगरपालिकाको आयस्रोतमा ठगी भएको प्रष्ट हुन्छ । चाँड पर्व आउदा मात्र चासो र खाचो भए जस्तो देखिन्छ । तसर्थ नगर तथा नगरवासिको हकहितकालागी स्थानिय सरकारबाट अनुगमन निरन्तर र प्रभावकारी हुनु पर्छ ।