क्वालालम्पुर (मलेसिया):= मलेसियाको काजाङ भन्ने ठाउँमा अवस्थित एक अस्पतालमा कार्यरत स्थानीय सुरक्षागार्डले अस्पतालमा आउने एकजना आगन्तुकबाट ५० रिंगिट पैसा घुस लिएको समाचार र भिडियो सामाजिक संजालमा व्यापक भाइरल भएपछि हिजो प्रहरीले एक महिला सुरक्षा गार्डलाई पक्राउ गरेको छ।
काजाङ जिल्ला प्रहरी प्रमुख सहायक आयुक्त नाजरोन अब्दुल युसुफले भने कि अहिले भाइरल भएको घटना गत बर्ष सन् २०२४ डिसेम्बर २३ तारिखको दिन घटेको खुलेको हो । भिडियो रेकर्डिङमा प्रष्ट रुपमा एक स्थानीय महिलाले सुरक्षा गार्डलाई आफ्नी आमाको आरएम ५० फिर्ता गर्न आग्रह गरिरहेको देखाइएको छ। उनका अनुसार उजुरीकर्ताले हिजो राति ११.२७ बजे घटनाको बारेमा प्रहरीमा रिपोर्ट पनि दर्ता गराएकी थिइन्।
“भाइरल भएको ५५ सेकेन्डको भिडियो रेकर्डिङमा अस्पतालमा आउने सेवाग्राहीहरुले अनधिकृत क्षेत्रमा आफ्नो सवारी साधन पार्क गरेमा उनीहरूबाट नगद असुलेर फाइदा उठाउन खोजेको देखिने सुरक्षा गार्डहरूको मनोवृत्तिको बारेमा समुदायबाट विभिन्न प्रतिक्रिया र टिप्पणीहरू निम्त्याएको छ ।
भिडियोमा कमेन्ट गर्नेहरुले “घटनाको समयमा सुरक्षा गार्डले पनि अशिष्ट धम्कीपूर्ण शब्दहरू बोलेको लेखेको भेटिएको प्रहरीले आज जारी गरेको एक विज्ञप्तिमा भने। उनले भने कि रिपोर्टको आधारमा कारबाही गर्दै प्रहरीले २८ वर्षीय सुरक्षा गार्डलाई थप अनुसन्धानको लागि हिरासतमा लिएको छ।
प्रहरीले भने कि प्रश्नमा परेकी महिलालाई दण्ड संहिताको धारा ३८४ र साना अपराध ऐन १९५५ को धारा १४ अन्तर्गत अनुसन्धानको लागि आजदेखि भोलिसम्म दुई दिनको लागि प्रहरी हिरासतमा राखिएको छ।
मलेसियामा कुनै पनि वाहानामा जबर्जस्ति घुस माग्नु र अरुलाई ठग्नु कार्यलाई अपराध मानिन्छ । स्मरण रहोस् मलेसियामा अन्य नेपालीसंगै घुस लिएको भ्रष्टाचार गरेको आरोपमा स्थानीय प्रहरी र मलेसियाको अख्तियार दुरुपयोग अनुसन्धान आयोग “एण्टि करपसन ब्युरो”ले कतिपय नेपालीसंगै विदेशीहरुलाई पनि पक्राउ परेर बेला बेला डिपोर्ट गर्ने गरेको घटना सार्वजनिक हुने गरेका छ्न ।news source :: https://www.buletintv3.my/nasional/peras-ugut-pengunjung-hospital-pengawal-keselamatan-direman
