क्वालालम्पुर (मलेसिया):= मलेसिया सेलाङ्गरस्थित जालान वेलफेयर कम्पुङ बारु चिना सुङ्गाई बुलोहमा रहेको काठ ,प्लाईउड र फलाम कारखानामा आज बिहान आगलागी भएको छ ।
आगलागी घटना आजै बिहान ०६:३६ बजे भएको मलेशियन फायर एण्ड रेस्क्यू डिपार्टमेन्ट (जेबीपीएम) को सेलाङ्गरको अपरेशन डिभिजनका सहायक निर्देशक अहमद मुखलिस मुख्तारले स्थानीय सञ्चार माध्यमलाई बताए ।
उनका अनुसार सुङ्गाई बुलोह फायर एण्ड रेस्क्यू स्टेसन (बीबीपी), बीबीपी बुकित जेलुटोङ, बीबीपी सेल्याङ र बीबीपी रावाङ गरी २९ जना सदस्य आगो नियन्त्रणमा लिनको लागि घटनास्थलमा पुगिसकेको छ । जानकारी अनुसार ‘आगो लाग्ने बित्तिकै दुई वटा काठ , प्लाईउड र फलामको कारखाना ६० प्रतिशत जलिसकेको बताइएको छ ।
साथै जानकारी अनुसार ‘आगलागीमा कोहि पनि पीडितहरू परेका छैनन्, मानवीय क्षेती समेत भएको छैन र आगो निभाउने काम भइरहेको ठाउँमा आगो धनधन्ती बलिरहेको छ,हामी छिट्टै नियन्त्रणमा लिन्छौं ’ उनले भने ।
