काठमाडौं := पशुपति शर्मा र सुमित्रा कोइरालाको स्वरमा रहेको तीज गीत ‘बालेनको शहर’ सार्वजनिक गरिएको छ। आर.के कुमार शाहीको शब्द, सूर्य बिनायकले संगीत र विमल छिनालेको एरेञ्ज/मास्टरिङ रहेको गीतको भिडियो सार्वजनिक भएको हो ।
गीतमा श्रीमान् र श्रीमतीबीचको सम्वादलाई उतारिएको छ । श्रीमान्ले श्रीमतीलाई काठमाडौंसँगै बिभिन्न ठाउँमा घुमाउने कुरा गर्दैछन्, यस्तै श्रीमतीले पनि श्रीमान्को हात समाई घुम्ने कुरा गर्दैछिन् । गीतको भिडियोमा श्रीमान्को रुपमा आर.के कुमार शाही हुनुहुन्छ भने श्रीमतीको रूपमा निहारिका थापा रहनुभएको छ । उहाँहरूसहित टिमले भिडियोमा नृत्य गरेको छ ।
नरेश अएरले खिचेको भिडियो कल्पेश विश्वकर्माले सम्पादन गर्नुभएको छ भने कोरियोग्राफी र निर्देशक शिशिर बुढाथोकीको छ । गीतको भिडियो आरके कुमार शाही अफिसियल युट्युब च्यानलमार्फत सार्वजनिक गरिएको छ ।
