सरकार ढाल्दिन्छौं भन्दै बार्गेनिङको दोकान चलाउने माधव नेपालको दोकान अब बन्द: महेश बर्तौला।

काठमाडौँ, २३ असारः नेपाल कम्युनिष्ट पार्टी (एमाले)को संसदीय दलको आइतबार बानेश्वरमा बसेको बैठकपश्चात सञ्चारकर्मीलाई बैठकको निर्णय सुनाउँदै प्रमुख सचेतक महेश बर्तौला । तस्बिर ःः रत्न श्रेष्ठ, रासस

काठमाडौं := नेकपा एमालेका प्रमुख सचेतक महेश बर्तौलाले एकीकृत समाजवादीका अध्यक्ष माधव कुमार नेपालहरुको दोकान बन्द भएको टिप्पणी गरेका छन् ।

एमाले संसदीय दलको बैठकपछि सञ्चारकर्मीहरुसँग कुराकानी गर्दै बर्तौलाले यसअघि अध्यक्ष नेपालले संसद्को गणित देखाएर सरकार ढाल्दिन्छौं भन्दै बार्गेनिङको दोकान चलाएको टिप्पणी गर्दै उनले अब त्यो दोकान बन्द भएको टिप्पणी गरेका हुन् ।

उनले भने- ‘मुख्य कुरा माधव नेपालहरुको संसद्को गणित देखाएर जे बार्गेनिङ गरेर सरकार आजै ढाल्दिन्छु, भालि ढाल्दिन्छु भनेर जे बार्गेनिङ गर्दैहुनुहुन्थ्यो, दोकान, व्यवसाय चलाउँदै हुनुहुन्थ्यो । माधव नेपालको दोकान समाप्त भयो ।’